സ്നോ ഗെയിംസ്..!

മഞ്ഞുമൂലമുള്ള ബുദ്ധിമുട്ടുകൾ എഴുതിയിരുന്നെങ്കിലും ഇന്നലെ ഞങ്ങളുടെ റ്റൌൺഷിപ്പ് പാർക്കിലെ സ്ലോപ്പിൽ സ്നോ സ്ലെഡ്ഡിങ്ങും സ്നോബോർഡിങ്ങും സ്നോ സ്കേറ്റിങ്ങും ഒക്കെ നടത്താനായി എത്തിയവരുടെ (കുഞ്ഞുകുട്ടികൾ മുതൽ അപ്പൂപ്പന്മാർ വരെ) സന്തോഷവും പ്രകടനവുമൊക്കെ കണ്ടപ്പോൾ വെറുപ്പ് അൽ‌പ്പം കുറഞ്ഞില്ലേ എന്നൊരു സംശയം..!
മഞ്ഞുമൂടിക്കിടക്കുന്ന കുന്നിൻ ചെരിവിൽ, മുകളിലേക്ക് എളുപ്പത്തിൽ തിരിച്ചു കയറാൻ, റ്റാറിട്ട ഒരു റോഡ് സൈഡിൽ ഉള്ളതിനാൽ തെന്നൽ പ്രേമികളെല്ലാം ഇവിടം തന്നെ തെരഞ്ഞെടുക്കും. സ്ലെഡ്ഡും ബോർഡും റ്റ്യൂബും ഒക്കെയായ് മുകളിലോട്ട് റോഡ് വഴി നടന്നു കയറി അവിടെ നിന്ന് മഞ്ഞുമൂടിയ ചെരിവിലൂടെ താഴേയ്ക്ക് തെന്നിത്തെറിച്ച് വരിക എന്നതാണ് പരിപാടി. 
പുതുവത്സരദിനമായിട്ടും കുടുംബസമേതം മഞ്ഞിൽ തെന്നിക്കളിക്കാനെത്തിയ ഒത്തിരിപ്പേരുണ്ടായിരുന്നു പാർക്കിൽ! ഇത്രയും വലിയ ക്രൌഡ് ഇവിടെ ആദ്യമായാണു ഞാൻ കാണുന്നത്!


മഞ്ഞുകേളികളുടെ ചിത്രങ്ങൾ നിങ്ങൾക്കായ് പങ്കുവയ്ക്കുന്നു! :)